قالت أحبك قلت والله ماسمع
باللّي تعزّينه عليّه تعيدين
*
*
قالت احبك قلت لو إذني تشبع
سمعي الفؤاد اللي رقبها من سنين
*
*
قالت أحبك والدمع اربع اربع
كلمة احبك شفتها داخل العين
*
*
احساس صادق يوم م.القلب يطلع
يسكن خفوقي ويجري وسط الشرايين
*
*
احسّ روحي م.الحشا اتقول تنزع
عيدي علي مرّه و عيديها مرتيين
*
*
محمل غرامي يا غلا صار يطبع
من موج بحرك لي خلفها الموازيين
*
*
يا ليتها العذّال بالحب تقنع
ان كان هالدنيا خلت م.المواشيين
*
*
لكن وين او وين لي دوم يصنع
بين العذارى يخلق الشّك والبين
*
*
حبك في كوني كل ماله ايتوسع
من ورده حمراء اتبدّلت للبساتين
*
*
سبحان ربي كيف اسمك تربع
يوم الاشعه بيّنت نقطة الشين
*
*
قولي أحبك نفسي فيها اتولع
خلي صداها ايرنّ كل ساعه او حين
*
*
خلي جبال الصمت فينا اتزعزع
وانعبر الخافي من الشوق يا زين
*
*
سيف الظروف اللي من الصعب يقطع
حبل الوصل ما بيننا عقده امتين
*
*
انت الغزال اللي فحشايه ترعرع
منك ارتقب كلمة احبك من سنين
*
*
لا لا اتعجب قلتها بسّ اطمع
وش فيه لو قلتي أحبك ملايين
*
*
*
الأربعاء نوفمبر 14 2007, 20:55
